Strì nam fineachan.  Ionnsaighean nan Lochlannach.  Spùinneadh mara. 

Thoir sùil fo uachdar oirthir siar bòidheach na h-Alba agus gheibh thu eachdraidh a tha beò le dràma is cùilteireachd.  Agus dè an dòigh is fheàrr air faighinn a-mach mu dheidhinn na turas air Cearcaill na Gàidhlig?

Is e co-obrachadh a th’ann an Cearcaill na Gàidhlig eadar buidhnean a tha an-sàs ann an obair siubhail.  Dh’adhbhraich an dìoghras a-thaobh gach nì a bhuineas do Ghàidhlig gun do chruthaicheadh sia Cearcaill – no tursan air ais ‘s air adhart – a’ toirt a-steach nan eilean bho Ìle mu dheas gu Leòdhas mu thuath agus mòr-thìr siar na Gàidhealtachd  bho Cheann na Creige gu Ullapul.

Tha eachdraidh, àiteachan sònraichte agus a sgeulachdan fhèin aig gach Cearcall.  Tagh do roghainn slighe agus leig leinn do thoirt air ais ann an tìm a rannsachadh an àite chudromaich a bh’aig Gàidhlig ann an eachdraidh Alba agus a tha aice fhathast anns an là-an-diugh.  Bidh cuideachd cothram gu leòr ann gus tachairt ri aoigheachd ainmeil nan Gàidheal air do chuairt.

Tha an làrach-lìn seo air a dheilbh son gach nì a dh’fheumas tu aig toiseach tòiseachaidh a thoirt dhuit: sealladh farsaing air na sia Cearcaill Ghàidhlig, ceanglaichean gu fiosrachdh siubhail ùr-aimsireil agus, airson tuilleadh brosnachaidh, na tursan pearsanta aig sianar Albannach iomraiteach ‘s iad a’ siubhal timcheall aon de na Cearcaill.

Turas math…..